ProductiveMuslim Weekly Naseeha: Episode 19 - Renewing Productivity!

السلام عليكم و رحمة الله و بركاته

عاملين ايه فى الامتحانات؟

حبيت بس أفكركم بحاجه مهمة ممكن تغيب عن بالنا اوقات كتير

النيه يا جماعه

انووا ان العلم اللى بنتعلمه ده و المذاكرة دى فى سبيل الله

اننا ننفع بيها الاسلام و المسلمين

يبقى ده الهدف الاساسى مش الدرجات

و فكروا اصحابكم بكده

أعز صديقاتى دايما كانت بتفكرنى بــكده

و ده كان بيفرق معايا كتير

هتحسوا ان الامتحانات دى حاجه بسيطه قدام الهدف الكبير اللى انتو عاوزينه

هتحسوا انها مجرد درجة فى سلم

عارفين ليه .. لانكم باصين على أبعد منها

هتحسوا ان ربنا معاكم .. فالخوف و القلق هيقلوا جدا

و امتحان الشفوى مش هيبقى مرعب و لا حاجة

لان الدرجة عند ربنا مش عند الممتحن

جرب تشوف كرم ربنا و رحمته و تثق فيها

جرب تدور على حكمة ربنا فى أى موقف تتعرض له مهما كنت كارهه

خلى عندكم ثقه فى الله 

و ان شاء الله خير

أكاديمية إعداد و تطوير الذات

بصوا بأه ...

من زمان و انا عايزة أقول لكم على الموضوع ده

يا جماعه احنا اتربينا فى البيت و اتعلمنا فى المسجد و فى المدرسة و فى الكلية و فى المجتمع

بس ولا حد علمنا ازاى نفكر .. ازاى نعرف احنا عاوزين ايه .. ازاى نعرف مواهبنا و ننميها و نستثمرها عشان نحقق هدفنا .. ازاى اصلا نحدد هدفنا و نرسم طريقنا ليه
أى هدف .. مش فى الدنيا بس .. عمر بن الخطاب رضى الله عنه كان عنده خطه فى عبادته .. ماشى بالتدريج .. لحد ما فى اخر عمره كان بيصوم كل يوم ..

مش هطول عليكم .. أنا لقيت ده فى الأكاديمية مع دكتورة هدى طاهر .. هتحسوا انها أم بتتكلم .. بتعلم ولادها .. مش واحده بتشرح كلمتين و خلاص

دى أكاديميه فعلا .. فيه واجب و فيه مهمات و فيه مشاريع تخرج

الموضوع جد يعنى و عاوز حد عنده اصرار

انا جبت لكم المحاضرة الرابعة تسمعوها .. هيا عن فن اتخاذ القرار 

و مش هاقول تفاصيل تانيه الا إذا حد سأل عشان ما اكتبش كتير

و على فكرة سماع المحاضرات لوحده مش كفايه .. مش هتستفيد استفاده كامله الا لو انتظمت فى الأكاديمية

احنا لسه فى المحاضرة الخامسة .. لسه فى الأول يعنى

بجد أنا نفسى تشاركوا .. بجد هتفرق معاكم كتير

دى المحاضرة الرابعة

انا ما جبتش اللى قبلها عشان كانوا تنظيم و مقدمة و تعريف بعلوم التنمية البشريه

لما هتكملوا معانا ان شاء الله لازم تسمعوا المحاضرات اللى فى الاول عشان تبقوا معانا على الخط

اسمعوا محاضرة اتخاذ القرار و خدوا قرار تكملوا معانا و مش هتندموا ان شاء الله

و محدش يقلق مش هتعطلكم عن حاجه خالص ان شاء الله

و دى ساحة الأكاديمية عشان اللى يحب يستكشف

و دى الحلقة التالتة فيها شرح علوم التنمية البشرية و هناخد ايه فى الأكاديمية
بالتوفيق

.ولا تتبعوا السُبل...كرة الثلج...مجددون

السلام عليكم
أخباركم ايه بعد الامتحان؟؟
خلاص خلاص نغير الموضوع ^_^

الفيلم ده عباره عن اعلان
عمله فريق كرة الثلج فى برنامج مجددون
كانوا مكلفين بمهمه عمل أعلان هادف
عملوا 3 منهم ده
اول مرة أشوفه النهارده
بس فكرته عجبتنى
فيه حاجه احنا مفتقدينها أوى ...

شبابيك - العشر الأوائل من ذو الحجة

ليه العشر الأوائل من ذى الحجة أفضل أيام العام؟

نعمل ايه فيهم؟

امتى ربنا يفتح لى أبواب رحمته؟

ليه صيام يوم عرفة يكفر ذنوب سنه مقبلة؟

هنتعلم ايه فى الأيام دى؟

تعالو نشوف ... 

كم تشتكي -أحمد بوخاطر

فاكرين دى

by dr.ma7moud

لقيتها و انا باتفرج على الصور عندى قلت ده وقتها ^_^

اللي عايش معندوش أمل في بكرة هو كما يقول ابن القيّم

( قلوب ميتة في قبور متحركة )

فلا تكن أنت كذلك،خلي عندك امل

 من جروب Mustafa Hosny

ــــــــــــــــــــــــــــــــــــــــــــــــــــــــ

يقول الخليفة عمر بن عبد العزيز (رضى الله عنه) :

"إن لي نفساً تواقة، وما حققت شيئاً إلا تاقت لما هو أعلى منه، تاقت نفسي إلى الزواج من ابنة عمي فاطمة بنت عبد الملك فتزوجتها، ثم تاقت نفسي إلى الإمارة فوليتها، وتاقت نفسي إلى الخلافة فنلتها، والآن يا رجاء تاقت نفسي إلى الجنة فأرجو أن أكون من أهلها."

اللهم استخدمنا فى أرضك و لا تحرمنا من جنتك ...

الأولويات و إدارة الوقت فى خمس خطوات

بحث رائع لـ  د. محمود أبومسلم

مضاف بواسطة  رحيل

تم تعديل الرابط

لقاء خاص مع الطالب العبقري(نظريات جديدة في المذاكرة) 1/5 ● مع الشباب

الفيديو ده أرسلته واحده من أعز صديقاتى
شوفوه و ان شاء الله يعجبكم و تكملو باقى أجزاؤه - اللقاء من 5 أجزاء
مذاكرة بطرق غريبة جدا .. القمر .. العطور
انا مش عاوزة أحرق الأحداث
بس نفسى نتكلم .. ايه اللى عجبنا فى الفيديو ده

بداية .. ده أول رد على السؤال قبل حتى ما أسأله

ــــــــــــــــــــــــــــــــــــــــــــــــــــــــــــــ
جملة جميلة الشاب اللي في الفيديوهات قالها
(المستحيل ده طالما ما يخالفش لا شرع و لا عقل و لا دين يبقى لازم يتكسر و يبقى ممكن)
ياريت كل الشباب يكون عنده طموح و هدف - لعزة دينه و أمته - و يبذل جهده مهما كانت العقبات .. اتمنى ذلك
ـــــــــــــــــــــــــــــــــــــــــــــــــــــــــــــ

مع شروق الشمس كل صباح دع أشعتها تجتاز سطح جسمك إلى داخلك فتدفئه و تضيئه .. ابدأ يومك بحماس و تفاؤل .. توكل على الله لينزع أى مخاوف من قلبك .. انظر لوجهك فى المراة بحب .. و استحضر مشاعر الود و الصفاء للحياة و الناس .. فكر فى كل ما هو خير .. نح مشاعر الغضب و الغيظ و العداء جانبا .. فكر فى ماذا ستعطى اليوم للأخرين قبل أن تفكر فى ماذا ستأخذ .. ثم انظر إلى داخلك لترى مدى الجمال و القوة و الصدق .. طالع صورة ذاتك فقد تحتاج إلى تشغيل ميكانزم النجاح .. و هو أن تستعيد خبرات نجاحك السابقة و تؤكد لنفسك أنك جدير بالنجاح ..

د. عادل صادق
كتاب (100 نصيحة لحياة سعيدة)

ــــــــــــــــــــــــــــــــــــــــــــــــــــــــــــ


طالما وفقك لعمل الحاجات اللى ترضيه يبقى أكيد بيحبك .. يبقى اطمن .. مش هيضيعك أبدا

ـــــــــــــــــــــــــــــــــــــــــــــــــــــــــــ

عايز ربنا يوسع رزقك ويبارك وقتك اكثر من الاستغفار

"فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا* يُرْسِلِ السَّمَاء عَلَيْكُم مِّدْرَارًا* وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا "

مضاف بواسطة رحيل
ـــــــــــــــــــــــــــــــــــــــــــــــــــــــــــ

قال رسول الله صلى الله عليه و سلم :

من سلك طريقا يلتمس فيه علما سهل الله له به طريقا إلى الجنة

صدق رسول الله صلى الله عليه و سلم

اللهم اجعل هذا العلم طريقا لنا إلى جنتك

يلا نشجع بعض

السلام عليكم
اخباركم ايه مع الجراحة؟
يا رب تكونوا كويسين

طبعا العنوان واضح
كل سنه بنفضل كام شهر بنمتحن .. أكيد بنزهق .. بتيجى علينا أوقات مش طايقين نفتح الكتب .. و لو ضغطنا على نفسنا و ذاكرنا بنلاقى اننا مش بنحصل حاجه و مفيش حاجه بتثبت فى راسنا .. صح و لا ده بيحصل معايا بس؟

هما 3 شهور .. هيعدوا ان شاء الله .. بس ليه يعدوا علينا و احنا مخنوقين .. عاوزين يفضل عندنا حماس .. و عندنا نشاط .. لان ده هيخلى أداءنا أحسن .. هنتقن شغلنا .. هنتعلم أحسن .. و هنتخلص من القلق بتاع الأمتحان إلى حد ما .. كفايه اننا نبقى مرتاحين اننا عملنا اللى علينا و أخدنا بالأسباب زى ما ربنا أمرنا

الموضوع و ما فيه اننا هنشجع نفسنا .. عشان روحنا تفضل عاليه .. هنفتكر ربنا خلقنا ليه .. ربنا أقامنا ليه فى الموضع ده .. هنفتكر كل ايه و كل حديث و كل قول مأثور و كل قصه ممكن تفكرنا بهدفنا و تشجعنا نسعى له .. هنجيب فيديوهات .. هنكتب خواطر .. المهم نفضل حاطين هدفنا قدام عنينا عشان لا نكسل و لا نزهق .. اتفقنا ؟؟ الموضوع ده مش بتاعى لوحدى .. كلنا نتعاون فيه .. اللى يعرف حاجه يحطها .. خلاص موافقين؟؟
عشان ما يبقاش شويه حماس فى الأول و يروحوا لحالهم .. كل يوم نحط حاجة أو اتنين بس كويس كدة ؟

نبدأ باسم الله ..

معلش أنا هبدأ بسؤال .. اكتب حاجة ايجابية واحدة على الأقل فى فترة الامتحانات دى .. فايده عامة أو خاصة مفيش مشاكل

downloads

ازيكم
اخبار المذاكرة ايه
هانت .. كلها 3 شهور .. زى شكة الدبوس


ما علينا


دى ملفات جراحة كنت لاقيتها على النت انا لسه ما ذاكرتهاش بس ان شاء الله تكون كويسه



final surgery revision
http://www.mediafire.com/?b3a9xwb6ocz1c4w



revision of surgery by Medad team
http://www.mediafire.com/?2wkm1m8a64ul4hy


operative
كان فيه دكتور شرح لنا جزء منها ايام الروند و لقيتها على النت
http://www.mediafire.com/?aua8mwxqf4gpaiy

clinical scheme

مركز اوى .. مش برتاح للنوع ده اوى بس جايز ينفع حد فيكم

http://www.mediafire.com/?q24rxpdr3jku3d4







و ده شويه كلام عن المذاكرة كنت بفكرمن مده انزله على اجزاء و نتناقش فيه بس غالبا ده مش هينفع
عموما لو عايزين نتناقش فيه و نتبادل الخبرات .. اهلا و سهلا
http://www.mediafire.com/?aua8mwxqf4gpaiy

يللا شدو حيلكم
ربنا هيكرمنا كلنا ان شاء الله

مجلة نسائم النهضة - العدد الأول

انا بدأت فى المجلة دى امبارح

بجد كنت مستمتعة بيها جدا لدرجة انى ما وفقتش غير لما عينى تعبتنى

يا ريت تقرأوها

http://www.mediafire.com/?n31w19ndj838dh7

و لو حد حب يعلق عليها يقول الحاجات اللى عجبته و السلبيات او لو حد حب يعرف أكتر عن المجلة دى ممكن يدخل على الرابط ده

http://forum.amrkhaled.net/showthread.php?t=350129

Cases of gyna & obstetrics

by Dr. Mohsen

Uploaded by

غفران

on this link

http://www.mediafire.com/?v253daltuvqn3s6

فصل الداعية

السلام عليكم و رحمة الله و بركاته

عاملين ايه فى رمضان؟
ربنا يقبلنا كلنا و نعتق من النار السنه دى .. بإذن الله

الحلقه دى من برنامج مدرسة الحب للأستاذ مصطفى حسنى بتتكلم عن خُلُق الداعية الى الله .. بتتكلم عن مصعب بن عمير كنموذج .. بجد حلقة حلوة أوى يا ريت تشوفوها

اه صحيح .. بالنسبة للموسيقى فى البداية و النهاية .. انا عارفة ان فيه ناس كتير بتتضايق منها و ممكن تقفل من الأول و متسمعش الحلقة .. حكم الموسيقى عليه خلاف .. مش لازم التتر بس على الاقل نسمع الحلقه بجد هتفرق معانا جامد ..

http://www.youtube.com/watch?v=lTZ1zb3Qb5w

اللينك اشتغل اهو .. الحمد لله

فى الفترة اللى فاتت دى اتعلمت دروس كتييير...........
اتعلمت ان ممكن شخص واحد بالنميمة يضيع ناس كتير .. يضيع عائلة بحالها
فعلا الانسان ممكن يبقى وحش اوى
و ممكن يبقى جاهل

بس تعرفوا .. مش الشخص ده لوحده هو المسئول .. كذا حد ساعده من غير قصد .. لما صدقوا الكلام من غير ما يتأكدوا .. لما نقلوا الكلام بحسن نية .. لما نسيوا ان دى مش اول مرة يعمل كده

بس أكبر غلط انهم نسيوا ان ربنا قال

"إن جاءكم فاسق بنبإ فتبينوا"

"اجتنبوا كثيرا من الظن إن بعض الظن إثم"

و نسيوا ان الرسول عليه الصلاة والسلام قال

"لا يلدغ المؤمن من جحر مرتين"

"كفى بالمرء كذبا أن يحدث بكل ما سمع"

يمكن لان المشهد و انت فيه مختلف عن لما الواحد يكون واقف بعيد
بس ده برضه مش عذر مقبول

التعليم عن طريق التجربة و الخطأ يشترك فيه الانسان مع بعض الحيوانات
انما الانسان بس هو اللى ربنا اختصه بالقدرة على انه يفكر و يعرف الغلط من غير ما يقع فيه .. من قبل ما يقع فيه

يبقى لما نعرف ان الله و الرسول نهونا عن حاجه مش لازم نستنى لما يحصل الضرر عشان نبطلها
لان الوقاية خير من العلاج

يمكن دى حاجات بديهية بس انا كتبت الكلام ده عشان افضل فاكراه جايز ينفعنى او ينفع اى حد لو اتعرض لموقف مشابه
ما احنا بنتعلم طول السنه و نيجى قدام المريض نبقى مش عارفين نعمل ايه!!

وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ

الايه دى من الايات اللى بحبها جدا

فيه اوقات الدنيا بتقفل فيها و تبقى عارف ان التسلسل المنطقى للاحداث هيوصل لنهايه مش سعيده

تبقى ناوى ان مهما الموضوع اتعقد هتحاول ترضى ربنا

و فجأه تلاقى المشكله اتحلت من عنده

و الاجمل انك بإذن الله هتاخد ثواب على نيتك الطيبه مع انك معملتش حاجه

ربنا بيقول "أنا عند ظن عبدى بى"

يا ريت يبقى عندنا حسن ظن بربنا

و يا ريت كمان يكون عندنا رصيد من المواقف دى نفتكره وقت اللزوم عشان يصبرنا و يثبتنا

أبدأ ِبإيه

كتير بنتوه عن طريق ربنا .. بنبعد .. الدنيا بتاخدنا ..

و نفوق

نحب نرجع

فنسأل نفسنا .. أبدأ منين .. و ازاى

أبدأ بالاتزام فى اللبس

و لا بعدم الكذب

و لا بالصدقة

و لا بصلاة النوافل

تفتكروا نبدأ بإيه

أنا عاوزة حاجه أقدر أعملها و فى نفس الوقت تكون انجاز يشجعنى على الاستمرار و صعود السلم

أنا شايفه ان أول حاجه نبدأ بيها هى

الخشوع فى الصلاه

دى أصعب حاجه فى الصلاه بس هتسهل كل حاجه تانية

اذا قدرنا نخلص قلوبنا لربنا و لو لدقائق هى مدة الصلاه نكون قطعنا خطوة لا بأس بها فى الطريق الى الله

و من تقرب الى الله شبرا تقرب الله اليه ذراعا كما أخبرنا الحديث القدسى

انتو بأه رأيكم ايه

تفتكرو الواحد يبدأ بإيه

السلام

السلام

"لولا سلامك سبق كلامك لأكلت لحمك قبل عظامك"

لست أذكر من الذى قال هذه العبارة

ربما قالها الأسد فى احدى قصص كليله و دمنه

أو قالها طائر الرخ للسندباد

المهم اننى أومن بها

بأن أفضل بداية لأى شىء هى السلام

و عليه

أحببت أن يكون أول بوست:

السلام عليكم و رحمة الله و بركاته