أبدأ ِبإيه
كتير بنتوه عن طريق ربنا .. بنبعد .. الدنيا بتاخدنا ..
و نفوق
نحب نرجع
فنسأل نفسنا .. أبدأ منين .. و ازاى
أبدأ بالاتزام فى اللبس
و لا بعدم الكذب
و لا بالصدقة
و لا بصلاة النوافل
تفتكروا نبدأ بإيه
أنا عاوزة حاجه أقدر أعملها و فى نفس الوقت تكون انجاز يشجعنى على الاستمرار و صعود السلم
أنا شايفه ان أول حاجه نبدأ بيها هى
الخشوع فى الصلاه
دى أصعب حاجه فى الصلاه بس هتسهل كل حاجه تانية
اذا قدرنا نخلص قلوبنا لربنا و لو لدقائق هى مدة الصلاه نكون قطعنا خطوة لا بأس بها فى الطريق الى الله
و من تقرب الى الله شبرا تقرب الله اليه ذراعا كما أخبرنا الحديث القدسى
انتو بأه رأيكم ايه
تفتكرو الواحد يبدأ بإيه
السلام عليكم و رحمة الله و بركاته
ردحذفبارك الله فيكم على الطرح القيم
يوجد كتيب للدكتور هشام الزهيري بعنوان (الإستقامة أو الإلتزام الحقيقي)
عبارة عن حوار بين الدكتور و شيخ
و من الحوار الشيخ يوضح لنا كيف وصل إلى الاستقامة
و ذلك إلى جانب تعليقات الشيخ الزهيري
و الأساس هو القرآن الكريم بفهمه و تدبره و العمل به
كيف ربى النبي صلى الله عليه و سلم أصحابه؟
بدأ بالقرآن و العقيدة فلعلنا نحتاج أن نسير على نفس المنهج ,على هديه صلى الله عليه و سلم في تربية أنفسنا و من حولنا
بارك الله فيكم و فتح عليكم الخشوع في الصلاة مهم جداً- اللهم ارزقنا الخشوع - لأن إن كانت الصلاة صحيحة ستنهانا عن المنكر لكن كيف أتمكن من الخشوع في الصلاة؟
أحتاج إلى تطهير قلبي و تزكية نفسي و كل ذلك يتأتى بفهم القرآن و العمل به و تعلم التوحيد و مزيد من التعرف على الله عز و جل
أدعوكم لمشاركتنا في حملة (ختمة القرآن هذا العام غير) على مدونة (إلى الهدى ائتنا) ففيها سأعرض سلسلة الطريق إلى القرآن للشيخ حازم شومان إن شاء الله
فعلا اجمل بداية هى القرآن والتعلم عن الله
ردحذف(علم التوحيد )
بس ياسلام لو يسبقها توبة صادقة مع الله وعزم على
الالتزام وطبعا ده يتطلب اصول وقواعد راسخة
يمكن من اجمل السلاسل اللى يتساعدنا فى البداية
سلسلة (اصول الالتزام ) للشيخ محمد حسين يعقوب
http://www.islamway.com/?iw_s=Scholar&iw_a=series&series_id=2459
Monaya awsallak
ردحذفرحيل
جزاكما الله خيرا
انا كنت اقصد ان الخشوع فى الصلاه كبدايه
ان دى حاجه فى متناول ايدينا - احنا بنصلى 5 مرات فى اليوم
و هى محتاجه بس اراده صادقه و ان الواحد يفتكر دايما ان ما عند الله خير من اللهو و من التجارة زى ما ربنا قال فى سورة الجمعه
طبعا قراءة القران و العلم مهمين و لا غنى عنهم فى الطريق الى الالتزام
بداية موفقة .. بس يتهيألي إن الخشوع في الصلاة ده ثمرة مش بداية .. هو أكيد اللي بيخشع عنده عنده قلب سليم أو صاحي .. لكن اللي ممكن يصحي القلب أصلاً؟ .. كاقتراح ممكن نقول: القرآن: قراءة وحفظ وفهم وعمل .. أنا كده قلت الدين كله!! .. بس هل في حد فرقت معاه حاجة معينة يقلنا عليها؟
ردحذفdr.ma7moud
ردحذفجزاكم الله خيرا
جميل السؤال ده
منتظرة اجابات الناس عليه
من الحاجات اللى فرقت معايا اوى الفهم
يعنى بالنسبة للقران .. قراءة التفسير
و بالنسبه للصلاه لما فهمت معنى سورة الفاتحه و الحوار بين العبد و ربه
و بالنسبة للذكر لما برضه فهمت فايدته انه بيخلى الواحد دايما فاكر ربنا و ده بيفرق جامد فى تصرفات الواحد و ردود افعاله
السلام عليكم ورحمة الله وبركاته
ردحذفبمناسبة رمضان
ممكن حضرتك تبدأي بقراءة كتاب
لقواعد الحسان في أسرار الطاعة والاستعداد لرمضان
ل رضا صمدي وعلق عليه كلا من الشيخ أبو اسحاق والشيخ محمد حسين يعقوب
تكون البدايه ان شاءالله في شعبان والتأكيد في رمضان والمتابعه طول السنه
الكتاب متوفر بأسعار زهيده في المكتبات
هدانا الله واياكم الى صراطه المستقيم
Abo Fares
ردحذفجزاك الله خيرا
ان شاء الله أقرأ الكتاب
في أسطوانة جميلة جدا جدا
ردحذفأنا بادي أسمعها للدكتور حازم شومان
اسمها الطريق الى القرآن
جميلة أوي كبداية
دا لينك التحميل
http://www.megaupload.com/?d=Q96NGG54
ولو حضرتك عايزة تبدأي دراسة علم شرعي
يبقى يا ريت تقري كتاب
منطلقات طالب العلم للشيخ محمد حسين يعقوب
وأنا اعرف في طنطا مدرستين
الأولى فجر الإسلام وهتبدأ ان شاء الله في ذي القعده
وفي مكان للأخوات النساء والدراسه سهله جدا ويسيره خالص
بالتوفيق ان شاء الله
للتذكير فقط
في ناس كتير شافت الطريق الصح اللي حضرتك شفتيه وعايزه تكملي فيه ... بس للأسف اللي بيقعوا كتير برده والسبب امراض القلوب من الشهوات وغيرها اللي سابها من غير علاج
والإسطوانه دي وللي زيها كتير وظيفتها علاج القلوب من أمراضها وشهواتها
فياريت تشتغلي على اللي فيها قبل رمضان هتيعجبك حالك أوي مع ربنا سبحانه وتعالى
ثبتنا الله واياكم على طريق الجنه
جزاكم الله خيرا
ردحذفد/ابو فارس
اول مرة أقرأ كتاب القواعد الحسان
ماشاء الله جميل اوى
اللى يحب يحمله من هنا وشرح كمان
http://www.saaid.net/Doat/rida-samadi/6.htm
Daisy
بعتلك رسالة على الايميل
ابدا منين .......سؤال مهم فعلا بجد جميل انك طرحتيه علينا
ردحذفوالاجمل الاراء اللى قراتها من اخوانا ربنا يبارك فيكم
يمكن تكون البداية من جوايا لما الاقى حمل الذنوب ثقل على ومافيش نجاة من المهالك غير انك تسال نفسك انا اتخلقت ليه
سالته لنفسى كثييرا (هو انا كنت كده) سالته لنفسى انا ربنا خلقنى عشان اعبده طب انا فين من ده.....تذكرت لحظات طاعة ولحظات ندم وازاى كان الواحد فيها خجلان من ربه يعض على انامله والله
وكيف عاد الى ذلك ثانية وازاى بقى المفروض يدور على طريقه وازاى يدور على خاتمته
وقت ماالواحد بيتوه من ذنوبه وبيبعد عن ربنا كل حاجة فى حياته بيحصلها دروب شغله ودراسته عبادته وصلته بربناوصلته باهله
ساعتها البداية اعتراف وندم وتوبة......اعتراف بالذنوب بين يدى المولى وندم على ما اضعنا فيه عمرنا وتوبة نصوحة ......وقتها وانتى بتقراى القراءن لن تكف عيناكى من البكاء
نبدا نفكر ازاى نصلح حياتنا ونخليها كلها لله ازاى استفيد بكل عمل يطهر قلبى ويبعدنى عن وساوس الشيطان
وضوئى باتقان ..انتظام الصلوات واهمها الفجر ان اعقد النية مبيتا قبل نومى
وزى ماقلتو فعلا ان الخشوع ثمرة نسال الله ان يرزقنا اياه
وزى ماقلتى الذكر بيخلى الواحد عنده ثقة بالله دائمة لا يهمه اى عائق كان
ربنا يرزقنا الاستقامةاسال الله ان يعنى على اتمام النوايا فى رمضان وبعد رمضان
دابو فارس
ردحذفجزاك الله خيرا على الاسطوانة والكتاب ساسعى للحصول عليه باذن الله
د/ ابو فارس
ردحذفجزاكم الله خيرا على الاسطوانه انا بنزلها دلوقتى
و بالنسبه لكتاب القواعد الحسان انا لقيته عندى محاضرات صوتيه و سمعت جزء كبير منه
رحيل
منورة الصفحه
اللهم اجعلنا من التوابين
كلامك جميل
ربنا يرزقنا الاستقامه و حسن الخاتمة
انا اسفه انى اتاخرت فى الرد يا جماعه و السبب انى ما اخدتش بالى ان فيه ردود جديده
ردحذف