السلام عليكم و رحمة الله و بركاته
عاملين ايه فى رمضان؟
ربنا يقبلنا كلنا و نعتق من النار السنه دى .. بإذن الله
الحلقه دى من برنامج مدرسة الحب للأستاذ مصطفى حسنى بتتكلم عن خُلُق الداعية الى الله .. بتتكلم عن مصعب بن عمير كنموذج .. بجد حلقة حلوة أوى يا ريت تشوفوها
اه صحيح .. بالنسبة للموسيقى فى البداية و النهاية .. انا عارفة ان فيه ناس كتير بتتضايق منها و ممكن تقفل من الأول و متسمعش الحلقة .. حكم الموسيقى عليه خلاف .. مش لازم التتر بس على الاقل نسمع الحلقه بجد هتفرق معانا جامد ..
http://www.youtube.com/watch?v=lTZ1zb3Qb5w
اللينك اشتغل اهو .. الحمد لله
السلام عليكم
ردحذفالداعيه مصطفى حسني ما شاء الله عليه ليه أسلوب سهل وبسيط محبب الشباب فيه وهو فعلا قدر يوصل بفضل الله لقلوب كتير من الشباب وهداهم بعد توهان وبعد عن الله
لكن للأسف لو تدخل الطبيب في عمل المهندس وتدخل المهندس في عمل المدرس والمدرس تدخل في عمل البقال هيا دي الفوضى بعينها وتخرب الدنيا
الداعيه مصطفى حسني للأسف بيتدخل في أمور بعيده عليه أوي هوا راجل جامد في الرقائق والزهد والمعاملات لكن في مسائل العلم والأدله والحديث وغيره من العلوم هو لا شء بالمره كعلم الطبيب بالهندسه وعلم المهندس بالطب
فلما تدخل سبب من البلبله والفتنه ما سبب
بالنسبه لموضوع الموسيقى الأمر فعلا فيه خلاف بس الخلاف غير معتبر أو غير سائغ بالمرة
في بحث جميل جدا على موقع اسلام وي موضح المسألة بشكل بسيط ممكن أجيبه لحضرتك تطلعي عليه
مع إني أفضل انك تركزي في الرقائق والتزكيه دلوقتي ومتدخليش في مسائل الخلافات دلوقتي لأنها دوشه وممكن تسبب بلبلة عند حضرتك
أسأل الله أن يهديني وإياكي الى سبيل الحق ويثبتنا عليه
جزاكم الله خيرا
ردحذففعلا بلاش الدخول فى مسائل الخلافات دلوقتى
بس يا ريت حضرتك تكون شفت الحلقة